ကြားဖြတ်ရွေးကောက်ပွဲတွင် မဲမသမာမှုများ လျော့နည်းနိုင်သော်လည်း ပါတီကြီးအချို့တို့ ပြိုင် ဆိုင်မှုပြင်းထန်လာနိုင်ကြောင်း မြန်မာအမျိုးသားကွန်ဂရက်ပါတီဥက္ကဋ္ဌ ဦးကောင်းမြင့်ထွဋ်က ပြောသည်။
“ ကျွန်တော်တို့ပါတီလေးတွေကတော့ ကိုယ့်ဒေသလောက်ကိုပဲ အာရုံစိုက်မှာ။ ပါတီကြီးတွေ က တော့ လစ်လပ်နေရာအကုန်လုံးကို ပြိုင်ကြမှာဆိုတော့ ပြိုင်ဆိုင်မှုက ပြင်းထန်လာနိုင်လိမ့်မယ်” ဟု ယင်းက ဆိုသည်။
လက်ရှိမြန်မာတစ်နိုင်ငံလုံးအနှံ့ မဲဆွယ်စည်းရုံးနေသည့် အန်အယ်လ်ဒီပါတီမှာလည်း လစ်လပ် နေရာအပြည့် ၀င်ရောက်ယှဉ်ပြိုင်ကာ အနိုင်ရရေး ကြိုးပမ်းနေသလို အစိုးရအဖွဲ့နေရာများအဖြစ်သို့ ရောက်ရှိ သွားသည့် ကြံ့ခိုင်ဖွံ့ဖြိုးရေးပါတီအမတ်များနေရာသို့ ကိုယ်စားဝင်ရွေးချယ်ခံမည်ဖြစ်သည့်အတွက် ထိပ်တိုက် တွေ့ဆုံမည့်ပွဲလည်း ဖြစ်ခြင်းကြောင့် ယင်းက သုံးသပ်ပြောခြင်းလည်း ဖြစ်သည်။
“မဲရေတွက်ချိန်မှာတော့ အငြင်းပွားမှုတွေဖြစ်လာနိုင်တယ်။ မဲရုံမှူးတွေဘက်က သမာသမတ် ကျဖို့ အရေးကြီးပါတယ်” ဟု ယင်းကဆိုသည်။
No comments:
Post a Comment