သင်္ဘောသားအရာရှိဖြစ် စာမေးပွဲကို ဖြေဆိုလိုသည့် သင်္ဘောသားများပြားလာပြီး စာမေးပွဲ စစ် ဆေးပေးမည့် ဆရာနည်းပါးသဖြင့် စာမေးပွဲပုံမှန် မစစ်ဆေးပေးနိုင်ကြောင်း ရေကြောင်းပို့ဆောင်ရေး ညွှန်ကြားမှု ဦးစီးဌာန ရေကြောင်းဌာနခွဲ အကြီးတန်းအရာရှိတစ်ဦးက ပြောကြားသည်။
" သင်္ဘောသားတွေအရင်က တစ်ကြိမ်စာမေးပွဲစစ်ဆေးရင် ၃၀၀ လောက်ပဲဖြေတယ်။ အခုက တစ်ကြိမ်စစ်ဆေးရင် ၁၀၀၀ လောက်ကိုဖြေလာကြတယ်။ ဆရာကတော့ တိုးမလာဘူး" ဟု အထက်ပါပုဂ္ဂိုလ်က ရှင်းပြသည်။
သင်္ဘောသားအရာရှိ စာမေးပွဲကို ၂၀၀၉ ခုနှစ်မတိုင်ခင်က တစ်နှစ်လျှင် လေးကြိမ်ပုံမှန်စစ် ဆေးပေးပြီး တစ်ကြိမ်ဖြေဆိုလျှင် သင်္ဘောသား ၃၀၀၊ ၄၀၀ ခန့်သာရှိကြောင်း၊ ၂၀၀၉ နောက်ပိုင်းတွင် သင်္ဘော သားစာမေးပွဲ ဖြေဆိုသူများပြားလာသည့်အတွက် တစ်နှစ်လျှင် နှစ်ကြိမ်ခန့်သာ စစ်ဆေးပေးနိုင်ကြောင်း၊ သင်္ဘောသားအရာရှိ စာမေးပွဲအောင်ချက်ရာခိုင်နှုန်း ယခင်ထက်မြင့်တက်လာခြင်းကြောင့် စာမေးပွဲဖြေဆိုလို သည့် သင်္ဘောသားဦးရေလည်း တိုးလာခြင်းဖြစ်ကြောင်း ရေကြောင်းပို့ဆောင်ရေးညွှန်ကြားမှု ဦးစီးဌာနထံမှ သိ ရသည်။
" စာမေးပွဲဖြေဆိုတဲ့ သင်္ဘောသားတွေများလာတော့ စာမေးပွဲတစ်ကြိမ်စစ်ဆေးရင် ငါးလ၊ ခြောက်လလောက်ကို အချိန်ကြာလာတယ်။ အဲဒီလိုဆိုတာ့ အရင်လေးကြိမ် စစ်ဆေးပေးတာ အခုနှစ်ကြိမ်ပဲ စစ် ဆေးနိုင်တော့တယ်" ဟု ရေကြောင်းပို့ဆောင်ရေး ညွှန်ကြားမှု ဦးစီးဌာန ရေကြောင်းဌာနခွဲ အကြီးတန်းအရာရှိ တစ်ဦးကဆိုသည်။
နိုင်ငံတော်ကသင်ကြားပေးသည့် သင်္ဘောအရာရှိသင်တန်းများကို ၂၀၁၁ ခုနှစ်တွင် ပုဂ္ဂလိက သင်တန်းကျောင်းများသို့ လွှဲပြောင်းရန်စီစဉ်ခဲ့သော်လည်း အကောင်အထည်ဖော်ဆောင်ရွက်နိုင်ခြင်း မရှိသေး ကြောင်း၊ အဆင့်မီသော ပုဂ္ဂလိကသင်တန်းကျောင်းများ ပေါ်ပေါက်လာပါက စာမေးပွဲပုံမှန်စစ်ဆေး မပေးနိုင် သည့်ပြဿနာများလည်း လျော့နည်းသွားမည်ဖြစ်ကြောင်း ၎င်းကပြောကြားသည်။
Second Mate စာမေးပွဲတွင် ၂၀၁၂ ခုနှစ်ဧပြီလနောက်ပိုင်း ကျင်းပမည်ဖြစ်ပြီး Chief Mate စာမေးပွဲကို လာမည် မတ်လတွင် ကျင်းပပြုလုပ်ဖွယ်ရှိသည်ဟု ရေကြောင်းပို့ဆောင်ရေး ညွှန်ကြားမှုဦးစီးဌာနထံ မှ သိရှိရသည်။
လက်ရှိ ပုဂ္ဂလိကသင်တန်းကျောင်း တစ်ကျောင်းသာ သင်ကြားပေးလျက်ရှိပြီး ယင်းကဲ့သို့ နောက်ထပ်အဆင့်မီ သင်တန်းကျောင်းများ ထပ်မံပေါ်ပေါက်လာရန် လိုအပ်ကြောင်း ရေကြောင်းပို့ဆောင်ရေး ညွှန်ကြားမှုဦးစီးဌာနထံမှ စုံစမ်းသိရသည်။
" ပုဂ္ဂလိကသင်တန်းကျောင်းမှာဆိုရင် ရေးဖြေကို စာမေးပွဲစစ်ဆေးပေးမယ့် ဆရာတွေရှိတယ်။ နှုတ်ဖြေလောက်ပဲ စစ်ဆေးပေးတာ။ အဲဒါကြောင့် သူတို့မှာ သင်တန်းတစ်ခါပြီးရင် တစ်ခါဖြေလို့ရတယ်" ဟု ယင်းဌာနအရာရှိတစ်ဦးက ဆိုသည်။
ရေကြောင်းသိပ္ပံက သင်ပေးသည့် သက်တန်းများဆိုလျှင် ယင်းသို့စစ်ဆေးပေးမည့်သူများမရှိ၍ ရေကြောင်းပို့ဆောင်ရေး ညွှန်ကြားမှု ဦးစီးဌာနက စစ်ဆေးပေးနေရသဖြင့် ကြန့်ကြာခြင်းဖြစ်ကြောင်း၊ စာမေးပွဲ တစ်ကြိမ်စစ်ဆေးပေးမည်ဆိုလျှင် ယခင်ကအဆိုပါဌာန ဆုံးဖြတ်ချက်ဖြင့် စစ်ဆေးပေးပြီး ယခုအခါပို့ဆောင်ရေး ၀န်ကြီးဌာန၏ ခွင့်ပြုချက်ယူရသဖြင့် အချိန်ပိုကြာကြောင်း ရေကြောင်းပို့ဆောင်ရေး ညွှန်ကြားရေးဦးစီးဌာနထံမှ သိရသည်။
No comments:
Post a Comment