နွေအခါမှာပိတောက်
မိုးရောက်တော့ပိဒုမ္မာ
ဆောင်းမှာတော့သဇင်မင်း
...ရာသီတွေင်းကြိုင်လှိုင်
အလှချင်းပြိုင်ကြတာအခါခါပေါ့...
*အမေရဲ.မေတ္တာတရား
နွေမှာပဲပူနေနေ
မိုးစွေလို့ပဲအေးအေး
သဇင်လေးတွေပွင့်တဲ့ရာသီ
ဆောင်းမပီတပီမှာပဲဆိုဆို
အပိုလိုမရှိ
ပကတိမေတ္တာတရား
ယိုစီးကျသွားတာက
အတူတူပါပဲနော်။။
ဘယ်ရင်ခွင်ဘယ်လောက်အေးအေး
ဘယ်ရေအေးဘယ်လောက်စင်စင်
ဘယ်သခင်ဘယ်လိုစောင့်ရှောက်စောင့်ရှောက်
ဘယ်စကားဘယ်လိုချိုချို။
အမေ့ကိုတော့မမှီနှိင်
နို့ရေအိုင်ထဲကအမေ့သား
ဒါကြောင့်များ
အားရှိတယ်ထင်ရဲ.။
*အမေလို့
ခေါ်ရတဲ့အရသာ
ရင်ခွင်မှာလျှံဖိတ်
ကြည်နူးပီတိစိတ်တွေနဲ့
အိပ်ရတာပျော်တယ်အမေ။
*အမဆိုတာအင်အား
အမေဆိုတာဥာဏ်ပညာ
အမေဆိုတာမေတ္တာပင်လယ်
ကျယ်ပြောတဲ့သည်စကား
အမေဆိုတဲ့အားတစ်ခုတည်းနဲ့ပဲ
မမေားနှိင်အောင်
ပြေခဲ့တဲ့ခရီး
ဟောခုတော့
တော်တော်ကြီးတောင်
ရောက်ခဲ့ပါပြီအမေ။
*အမေ့ကိုသတိရ
ရွာပြန်လို့လွမ်းကြတဲ့အခါ
ရွာဝပိတောက်ပင်ကြီး
ဆီးလို့သာပြုံးပြ
မောရာကပျော်တယ်အမေ။
*သည်ပြေသည်ရေ
သည်ယာမြေ စပါးတေားမှာ
ပျော်မေားခဲ့တဲ့အမေ့မေတ္တာတရား
ဟောခုထိ
သင်းသင်းလေးတောင်ရှိသေးတာပါလား။
ကျောင်းကြီးရယ်အို
ဆည်းလည်းသံတချိုချိုနှင့်
ကပိုကယိုပွေဖက်
မမေ့ရက်နှိင်တဲ့အမေ့ရွာ
မေ့မေတ္တာတွေလွှမ်းလို့လေ။
*ပြောလို့မကုန်တာ
အမေ့စကား
စီးဆင်းမကုန်တာ
မေ့မေတ္တာတရား...
သားစားချင်တယ်ဆိုလို့
ရွာလယ်ကြားကသင်္ဘောပင်
လူမမြင်ခင်ရုတ်တရက်
ခိုးဝှက်ထွက်ပြေး
*ဟေးသူခိုး*ဆိုပြီးဝိုင်းရိုက်
ခိုက်ဆိုက်လဲနေတဲ့
အမေ့ရင်ခွင်
သားစားချင်ရှာတဲ့
သင်္ဘောသီးလေးတစ်လုံးပေါ့
*ရိုက်သူကသား
ရင်ခွင်ကြားမှာဝှက်ထားတဲ့
သင်္ဘောသီးနဲ့အမေ
ဘယ်လောက်
ကြေကွဲနေလိုက်ရှာမလဲ
သားရင်ထဲနင့်တယ်အမေ
သည်ဇာတ်လမ်းလေးကြားဖူး
မေတ္တာလူးတဲ့အမေ့ကို
သား...ဦးမချဘဲမနေနှိင်ပါဘူးမေမေ....
့
No comments:
Post a Comment