ခေါင်းစဉ်တပ်မရတဲ့ ခံစားချက်တစ်ခု

ညနေခင်း လေတဖြူးဖြူးတိုက်နေတဲ့ ဝရံတာပေါ်မှာ နားထောင်ခဲ့ရတဲ့ အစ်ကိုတစ်ယောက် ပြောတဲ့ အဖြစ်အပျက်လေးတစ်ခုပါ။
တစ်နေ့မှာပေါ့။
ရန်ကုန်မြို့၊ စမ်းချောင်းလမ်းထဲက တိုက်ခန်းတစ်ခုမှာ သူငယ်ချင်းသုံးယောက် ပျော်ပျော်ပါးပါး ဝိုင်းဖွဲ့သောက်စား နေကြပါတယ်။ဒီလိုပဲ စားရင်းသောက်ရင်း၊ နောက်ရင်းပြောင်ရင်းနဲ့ သူငယ်ချင်းနှစ်ယောက် စကားထများကြပါရော။
စကားများရာကနေ တစ်ဆင့်တက်ပြီး လက်တွေပါကုန်ပါတယ်။ တစ်ယောက်က ဖြူဖြူနွဲ့နွဲ့။ တစ်ယောက်က သန်သန်မာမာ။
တတိယသူငယ်ချင်းကတော့ လက်မလွန်ဘူးဆိုတာ သိနေတော့ အေးရာအေးကြောင်း ထိုင်ကြည့်နေပါတယ်။ အဲတော့
ရန်ဖြစ်နေတဲ့နှစ်ယောက်လည်း လွတ်လွတ်လပ်လပ် နပန်းလုံးတဲ့အဆင့်ကို ရောက်သွားပါတယ်။နောက်တော့ အင်အားခြင်း မယှဉ်နိုင်တဲ့ အဆုံးမှာ ဖြူဖြူနွဲ့နွဲ့လူက တစ်ဖက်လူရဲ့လက်ကို ပါးစပ်နဲ့ကုန်းကိုက်လိုက်ပါတော့တယ်။
အဲကျမှ….
အကိုက်ခံရတဲ့လူက ချက်ချင်းရုန်းထပြီးအော်လိုက်တယ်။
ဟေ့ကောင် မင်း ယုတ်မာလှချည်လားကွ..တဲ့။
ကိုက်လိုက်တဲ့လူကလဲ လန့်ဖြတ်ပြီး ထငိုတယ်။ နောက်ပြီး လက်အုပ်လေးချီပြီး…
ငါ … ငါ.. တကယ် မရည်ရွယ်ပါဘူး သူငယ်ချင်း.. တဲ့။
ထိုင်ကြည့်နေတဲ့ သူငယ်ချင်းက ဝုန်းခနဲ ထလိုက်တာ စားပွဲတွေမှောက်၊ ပုလင်းတွေ၊ ပန်းကန်တွေ ကျကွဲဖြစ်ကုန်တယ်။
ဒါကို သူ ဂရုမစိုက်အားဘူး ။ အခန်းထဲကို ပြေးပြီး အရက်ပြန်ပုလင်းပြေးရှာတာ။ နောက်တွေ့လဲတွေ့ရော အကိုက်ခံရတဲ့လူရဲ့လက်ကို ဆွဲပြီး အရက်ပြန်တွေ ပုလင်းလိုက် လောင်းထည့်ပေးရှာတယ်။ အဲအချိန်မှာ တစ်ယောက်မှ စကားမပြောနိုင်တော့ပါဘူး။ ကိုက်လိုက်တဲ့လူကလဲ ထိုင်ရာကမထနိုင်ပါဘူး ငိုနေတယ်။ အကိုက်ခံရတဲ့လူကလဲ မေးရိုး ပြုတ်ထွက်မတက် အံကြိတ်ထားတယ်။ အရက်ပြန်လောင်းပေးနေတဲ့ သူငယ်ချင်းကလဲ ပုလင်းတစ်ခုလုံးကုန်သွားတာတောင် ဆက်ပြီး ခါလောင်းနေတုန်း။ သုံးယောက်လုံးရဲ့ မျက်ဝန်းမှာတော့ နောင်တမျက်ရည်တွေနဲ့ပေါ့။ ဘာလို့လဲ သိလား။
ကိုက်လိုက်တဲ့ ဖြူဖြူနွဲ့နွဲ့လူမှာ ကုရာနတ္ထိဆေးမရှိတဲ့ HIV ပိုးရှိနေလို့ပါပဲ။ ဒါကို သုံးယောက်လုံးသိနေလို့ပေါ့။
အခုတော့ အဲဒီ သုံးယောက်ထဲက ကိုက်တဲ့လူနဲ့ အကိုက်ခံရတဲ့လူနှစ်ယောက်ကတော့ မရှိတော့ပါဘူး။ နှစ်ယောက်စလုံး AIDS နဲ့ ကွယ်လွန်သွားကြပါပြီ။ နောက်ဆုံးကျန်တဲ့တစ်ယောက်က ကျွန်တော့်ကို ဒီအဖြစ်အပျက်လေးပြောပြတဲ့ အစ်ကိုပေါ့။ ကျွန်တော့်ကို ပြောပြတဲ့အချိန်မှာ သူမျက်ဝန်းတွေရီဝေနေပါတယ်။ အဲဒီမျက်ဝန်းတွေထဲမှာ နောင်တဆိုတာနဲ့ ယူကြုံးမရဖြစ်ခြင်းဆိုတဲ့ ခံစားချက်တွေ ပါနေပါတယ်။ ကျွန်တော်မှာလဲ နှစ်သိမ့်စရာ စကားလုံးမရှိပါဘူး။ ဒီအတိုင် ငြိမ်ငြိမ်လေး နားထောင်ခဲ့ရတာပါ။ ရင်ထဲမှာတော့ တစ်ခုခုကို မကျေနပ်သလိုပဲ။ ခံစားချက်ပေါင်းစုံနဲ့ ရှုပ်ထွေးနေပါတယ်။
နောက်တော့ ကျွန်တာ် သုံးသပ်မိတယ်။ ကျွန်တော် ခံစားခဲ့ရတာကိုပေါ့။
တစ်။ ။ ရောဂါမရှိတဲ့ သူငယ်ချင်း နှစ်ယောက်ကို လေးစားတယ်။ ဒီရောဂါရှိနေတာကို သိရက်နဲ့ သူငယ်ချင်းကို မရှောင်ဖယ်ဘူး။ ရင်းရင်းနီးနီးဆက်ဆံတယ်။ ပစ်ပယ်မထားဘူး။ ကျွန်တော်ဆိုရင်ရော ဒီလိုလုပ်နိုင်ပါ့မလား။ မလုပ်နိုင်ရင်တောင် လုပ်နိုင်အောင် ကျွန်တော်ကြိုးစားမှာပါ။
နှစ်။ ။သုံးယောက်စလုံးကို အပြစ်တင်ချင်ပါတယ်။ ဒီရောဂါရှိနေမှန်းသိရက်သားနဲ့ မကောင်းတဲ့ အလုပ်ကို အတူမလုပ်သင့်ပါဘူး။ ကျွန်တော် ဆိုလိုတာ အရက်သောက်တာကို ပြောတာပါ။ အရက်သောက်မယ့်အစား သုံးယောက်သား ဘုရားမှာ ကုသိုလ်တစ်ခုခု ဥပမာ။ ရွေတိဂုံဘုရားမှာ တံမြက်လှည်းတာပေါ့။ လုပ်နေရင် ဘယ်လောက်ကြည်နူးစရာကောင်းမလဲ။
အခုတော့… … …
သုံး။ ။မိသားစု။ ဟုတ်တယ်.. အကိုက်ခံလိုက်ရတဲ့လူရဲ့ မိသားစု။ ကျွန်တော်က အဲဒါကို သွားတွေးမိတာ။ ချက်ခြင်းမသိသေးဘူး။ နောက်မှ သိတာ။ ဘယ်လောက်များ ဝမ်းနည်းကြေကွဲ လိုက်မလဲ။ ဘာမှမဟုတ်တဲ့ အဖြစ်အပျက်လေးတစ်ခုနဲ့ ဘဝတစ်ခုလုံးပေးလိုက်ရတာ။ ဘယ်သူ့ကို သွားအပြစ်တင်မလဲ။ တစ်ကယ်လို့ အကိုက်ခံရတဲ့လူသာ ကျွန်တော့် ညီ ဖြစ်နေမယ်ဆိုရင်… ကျွန်တော် ဆက်တောင်မတွေးရဲဘူး။ (ကျွန်တော့်မှာ ညီလေးတစ်ယောက်ရှိပါတယ်။)
ကျွန်တော်လေ…. ဒီအကြောင်းလေးကို နားထောင်မိတော့ ကျွန်တော့် ညီလေးကို ပြောပြချင်လိုက်တာ။
ညီလေးရေ..
သူငယ်ချင်းကို ချစ်တာ၊ ခင်တာ၊ ဂရုစိုက်တာ အစ်ကို လေးစားပါတယ်။ အားပေးပါတယ်။ ဒါပေမယ့် ကိုယ့်သူငယ်ချင်းက လူကောင်းလား၊ လူဆိုးလား။ ကောင်းတဲ့လူလား၊ မကောင်းတဲ့လူလား ဆိုတာကို ကိုယ်ပိုင်ဥာဏ်နဲ့ သေချာ ခွဲခြားသိပါကွာ။ လူဆိုးဆိုပြီး ပစ်ပယ်ထားရမယ်လို့လဲ မဆိုလိုပါဘူး။ ဒါပေမယ့် အဲလို သူငယ်ချင်းတွေနဲ့ ပေါင်းတဲ့အခါ ပါတ်ဝန်းကျင်နဲ့ အချိန်အခါကိုတော့ ဂရုစိုက်ပါ။ ကိုယ်ဘယ်လောက်ပဲကောင်းကောင်း သတိဆိုတာ လွတ်သွားရင် ကံကြမ္မာဆိုးနဲ့ တိုးနိုင်ပါတယ်။ အစ်ကို လေးလေးနက်နက်ဆုတောင်းပါတယ်။
အစ်ကို့ ညီလေးတစ်ယောက်…
သူငယ်ချင်းဆိုးလေးတွေနဲ့ပေါင်းမိတဲ့အချိန်ဟာ...
ကောင်းတဲ့ ပါတ်ဝန်းကျင်၊ ကောင်းတဲ့ အချိန်အခါမှာပဲ ဖြစ်ပါစေ လို့
 -ကျွန်တော် ဒီpost မှာ counter question ထွက်လာစရာ point တွေ ထည့်မထားပါဘူး။
-သူငယ်ချင်းတွေ ဖတ်ပြီး သတိထားမိရုံသက်သက်ပဲ ကျွန်တော့် ခံစားချက်ကို share လုပ်ပေးတာပါ။
-အချိန်ကုန်။မျက်စေ့ညောင်းဖြစ်သွားရင်လည်း တောင်းပန်ပါတယ်